zur 39. Sitzung
am 15 - XI - 2016, um 1111h,
im Café Wien
in Sofia
zur Lektüre des Anfangs
eines Briefgedichtes
von Sisebut
UROGALLUS
(Incipit epistola Sisebuti regis Gotorum
missa ad Isidorum de libro rotarum)
Tu forte in lucis lentus vaga carmina gignis
Argutosque inter latices et musica flabra
Pierio liquidam perfundis nectare mentem.
At nos congeries obnubit turbida rerum
Ferrataeque premunt milleno milite curae,
Legicrepae tundunt, latrant fora, classica turbant.
Et trans Oceanum ferimur porro usque nivosus
Cum teneat Vasco nec parcat Cantaber horrens.
En quibus indicas, ut crinem frondea Phoebi
Succingant hederave comas augustius umbrent.
En quos flammantem iubeas volitare per aethram.
Quin mage pernices aquilas vis pigra elephantum
Praecurret volucremque pigens testudo molossum,
Quam nos rorifluam sectemur carmine lunam.
His tamen incurvus per pondera terrea nitens
Dicam, cur fesso livescat circulus orbe
Purpureumque iubar nivei cur tabeat oris
Vale!